Belle-Mare: Enn Zafer Inkrwayab Arive Kouma Enn Sofer Trouv Lapolis

Lindi le 25 Septam: 16hr40. Bann polisie ki ti pe fer enn operasyon ‘Hot Spot policing’ lo larout prinsipal dan Belle-Mare, inn fer sign enn otomobilist pou arete.

Me enn zafer inkrwayab finn prodwir. Kouma linn trouv bann polisie, sofer-la inn balans kitsoz atraver lafenet so laport divan. Tro tar. Sa zess-la pa finn manke par latansyon enn parmi bann polisie-la.

Li finn al rekuper enn tipti sak an plastik enn tigit apre ki ti kontenir enn sertin kantite gandia. Sispe-la, enn mason ki ena 34 an ek abit Rivière-du-Rempart, finn kondwir stasyon lapolis Belle-Mare.

Li finn libere lo parol. Me linn bizin prezante lakour azordi gramatin, Mardi le 26 Septam, kot enn akizasyon provizwar ‘possession of cannabis’ inn retenir kont li.

Comments

comments