Loto Ofisiel PPS Tarolah Kit So Buro Ek Roul Sans Interdi Dan Simin ‘One-Way’

Apre eklatman enn skandal ki konsern PPS Tarolah ki depite sirkonskripsyon no 10 (Montagne-Blanche/ Grande-Rivière Sud-Est), bann rimer otour enn demisyon evantuel for posib.

Sunday Times ti al kot so buro yer gramatin ki trouv Citadelle Mall kot resepsyonist inn dir li pa prezan.

Me 2-3 minit plitar, PPS Tarolah finn sorti so buro trankil eskorte par de zom ek ansam zot inn pran lasanser pou al direksyon parking Citadelle Mall.

Apre enn ti moman, enn BMW kouler nwar inn sorti avek depite-la andan.

Ek kouma sa bann foto-la demontre, loto Kalyan Tarolah inn pran lari Louis Pasteur an direksyon lari Desforges ek kan linn fer sa, li finn otoriz li mem roul an sans interdi dan enn simin ‘one-way’.

Comments

comments