Rivière-du-Rempart: 3 Zom Viol Enn Fam 33 An Apre Konsomasyon Lalkol

Tou sa sen-la finn filme. Enn fam ki soufer bann troub mantal alegue ki li finn agrese sexuelman par trwa individu. Sa inn deroule Lindi le 30 Oktob dan enn vilaz lenor.

Prezume viktim-la, ki ena 33 an, inn port plint Mardi gramatin byin boner dan stasyon lapolis Rivière-du-Rempart. Li finn admet lopital SSRN dan Pamplemousses.

Dan so plint, viktim-la explik bann anketer ki li ti pe rant kot li apre enn randevou dispanser lokalite. Li finn trouv enn denome Moorli Ramkhelawon ki li konn byin ek abit larezyon. Li finn invit zen fam-la kot li ek linn aksepte.

Enn fwa sur plas, zen fam-la inn konstate ki ti ena trwa individu laba. Zot inn fors li pou konsom lalkol avan abus li. Tou sa sen-la finn filme lo enn portab. Bann individu-la inn sove apre zot akt.

Viktim-la inn telefonn so papa pou rakont so mezavantir. Zot finn answit al stasyon lapolis pou port plint.

Bann anketer inn prosed a larestasyon Moorli Ramkhelawon. Agreser-la konu par lapolis. Li nie ki li finn agres prezume viktim-la ek dir li ti konsantant.

Deziem sispe-la, Rajcoomar Issur, 34 an, enn abitan Rivière-du-Rempart, finn arete pandan enn operasyon mene par bann limie Special Squad depi Northern Division, 2-3 ler tan plitar. Li nie bann fe ki finn repros li. Trwaziem sispe aktuelman reserse par lapolis.

Comments

comments