[Video] Agresyon Enn Fam Ansint Cluny: Lapolis Aret Mari Ek Belmer Viktim-la

Developman dan lanket lo agresyon enn fam ansint sink mwa, Dimans le 29 Oktob. Sa zour-la, Priyanka Peerthy, 21 an, finn al stasyon lapolis Rose-Belle pou port plint kont so mari ek belmer.

Dan so depozisyon, li deklare ki zot inn tabas li ek li souvan viktim violans.

Reserse par lapolis, Lutchmun Peerthy, mari zen fam-la, ek Jayantee Peerthy, belmer viktim-la, finn arete azordi, Merkredi le 1er Novam.

Zot inn pas divan lakour distrik Grand-Port, mama ek garson inn rekondwir dan selil polisiyer. Lutchmun Peerthy, 30 an, li enn mason alos ki Jayantee Peerthy, 58 an, li enn fam menaz.

Video:

Pou fer zot rapel, Priyanka Peerthy li ansint so trwaziem zanfan. Sa abitant Cluny-la dir li finn viktim violans domestik ek li souvan agrese par so mari ek belmer.

Apre sa dernie agresyon-la, zen fam-la finn admet lopital Jawaharlal Nehru, ki trouv dan Rose-Belle, pandan trwa zour.

Lekip Teleplus finn al rankontre viktim-la.

Comments

comments