[Video] Grand-Bay: Aksidan Ant Enn Loto Ek Motosiklet

Ti ena enn aksidan ant enn loto ek enn motosiklet yer, Mardi le 31 Oktob, dan Grand-Bay. Lo enn video nou trouv enn motosiklet kondwir par enn zom rant an kolizyon avek enn loto.

Dapre bann informasyon nou finn gengne, motosiklet-la ti pe double enn bis konpagni Triolet Bus Service ki ti arete lo enn bistop. Apre sa, nou trouv enn loto ki finn fransi divan bis-la tap avek motosiklet-la. Erezman, linn resi ralanti dan ler.

Video:

Motosiklist-la inn blese lerzerman ek kondwir lopital pou bann swin neseser. Lapolis inn ouver enn lanket.

Boukou internot inn reazir apre ki zot inn vizyonn video-la. Sertin inn dir ki motosiklet-la antor. Me kan guet video-la byin, nou trouve ki loto-la inn riske ek sorti divan bis-la depi sp kote gos. Motosiklist-la inn trouve pena oken veyikil pe vini ek inn desid pou double.

Comments

comments