Sodomi Lo Enn Tifi 7 An: 2 Miner-la Rann Lekor Stasyon Lapolis

Lapolis ti pe resers zot. Ek yer, Zedi le 2 Nobam, de miner-la, ki ena 7 an ek 13 an, finn rann lekor volonterman stasyon lapolis Baie-du-Tombeau, akonpanie avek zot paran.

Enn tipti tifi 7 an alegue ki de garson inn fer li subir bann sevis sexuel, avan esay sodomiz li. Bann fe inn deroule Merkredi le 1er Novam dan Cité Florida.

Avek bann anketer, mama adolesan 13 an-la indike ki so garson ena bann problem mantal. Lapolis inn inform zot lo bann akizasyon ki kapav retenir kont zot. De miner-la pou examine saken so tour par enn medsin lapolis azordi, Vandredi le 3 Novam.

Bann fe inn prodwir Merkredi dernie ver midi. Tipti tifi-la rakonte ki li ti dan zardin zanfan kan de lezot garson inn invit li pou zoue. Me li finn refuz bann-la. Adolesan 13 an-la finn alos amen li dan touf. Laba, de garson-la inn retir so linz lo li avan fer li subir bann sevis sexuel.

Par laswit, viktim-la indike, so bann agreser inn esay sodomiz li. Zot finn donn tipti tifi-la plizir kou lo so figir, tandik ki li ti pe debat sa ler-la.

Tipti tifi-la inn admet lopital lenor pou bann swin neseser.

Comments

comments