Terre-Rouge: Lapolis Aret Enn Zom Avek Ladrog Sintetik

Baze lo sertin informasyon, lapolis inn aret enn zom ki ti pe vwayaz dan enn bis Vandredi le 3 Novam ver 18hr30. Zot inn aret li lo enn bistop ki trouv dan Terre-Rouge.

Bann polisie-la inn trouv sispe-la ek zot inn dout li akoz so konportman etranz. Zot inn dir li desann depi dan bis ek demann li so idantite. Apre ki zot inn dir li zot ena pou fouy li, sispe-la inn aksepte al stasyon lapolis Terre-Rouge avek zot.

Sur plas, zot inn fouy li ek trouv 2 papie aluminum ki ti kontenir enn matiyer ki zot doute kom ladrog sintetik. Zot inn interoz li lo provenans sa ladrog-la ki finn pez 0.3 gram. Sispe-la inn reponn: “Pou mo mem sa ek se de doz sa misie. Donn mwa enn sans.”

Bann polisie inn fer enn lot lafouy avek li ek pa finn trouv naryin inkriminan lo li. Sispe-la inn retourn lakaz apre kinn larg li lo parol. Li pas lakour Pamplemousses Lindi ek reponn enn sarz ‘possession of dangerous drug’.

Comments

comments