[Video] Aksidan Fatal Mare-d’Albert: Neve Chundun Jugoo Temwanie

“Li ti enn dimoun popiler dan larezyon. Nou dan enn gran sok akoz nou pa ti atann ki enn zour li viktim enn aksidan larout. Mo ti kwar linn desede swit a enn maladi,” Dev temwanie, neve Chundun Jugoo, avek Radio Plus azordi, Lindi le 6 Novam.

Chundun Jugoo, 62 an ek abit Mare-d’Albert, inn tape par enn loto kan li ti pe travers larout. Dram-la inn prodwir dan Mare-d’Albert Dimans aswar le 5 Novam.

“Se ver 22hr15 ki mo tifi inn anons sa nouvel-la. Li ti pe rant kot li pou dine pou al travay apre. Monn trouv li yer ek nou finn koz lo football enn tigit,” Dev rakonte.

Video:

Chundun Jugoo so de lazam inn seksyone. Veyikil kinn tap avek li pa finn arete apre aksidan-la. Sofer-la, enn abitan Rose-Belle, finn al stasyon lapolis Plaine-Magnien kot li finn arete. Li pou tradwir divan lakour Mahebourg sou enn sarz omisid involonter azordi, Lindi le 6 Novam.

Sa dram-la fer 136 viktim aksidan larout depi koumansman lane.

Comments

comments