Aksidan Fatal Baie-du-Tombeau: Morgan Kannoo Valaydon, IT Officer Ki Ena 30 An, Mor Sur Lekou

De motosiklet inn rant an kolizyon Mardi le 7 Novam lo larout prinsipal Baie-du-Tombeau pre kot enn supermarse. Motosiklist Morgan Kannoo Valaydon alias Kessaven, enn IT Officer ki ena 30 an, pa finn surviv so bann blesir.

Morgan Kannoo Valaydon inn mor sur lekou dan enn aksidan Elisabethville dan Baie-du-Tombeau. Lot motosiklist-la, Jordan Steward P., 24 an ek enn abitan Trou-aux-Biches, inn transporte lopital Sir Seewoosagur Ramgoolam, Pamplemousses.

Linn fer enn lalkol test ki finn revel negatif. Azordi, Merkredi le 8 Novam, li pou konparet divan lakour ek reponn provizwarman enn akizasyon omisid involonter.

Kolizyon-la finn prodwir lo larout prinsipal Baie-du-Tombeau

Dan Baie-du-Tombeau, kot bann Valaydon, se enn gran sok ek konsternasyon. “Ti enn personn zovial ek kalm. Mo ankor dan enn sok,” enn parmi so bann kamarad konfie. Li rapel linn koz avek Morgan Kannoo Valaydon Lindi dernie.

So bann pros sagrin so disparisyon subit. Bashir Oaris, responsab Professional First Aiders, temwanie ki li ti byin aktif lo plan sosyal.

Frer Morgan Kannoo Valaydon, ki ti pran mem simin kot aksidan-la inn prodwir, inn konstat prezans enn lafoul apre sa dram-la. Kan linn aprose, linn dekouver motosiklet so frer. Lapolis pe kontinie zot lanket lo sa zafer-la.

Loading...

Comments

comments