[Video] Meurt Ginette Bellerose: Lapolis Sezi 2 Kouto Plin Avek Disan Lo Plas Krim-la

So laboutik ki linn ferme midi yer, Merkredi le 8 Novam, li pa pou ouver li ankor. Ginette Bellerose, 70 an, inn mor apre ki linn pwayarde lo so likou. Sa abitant lari Iqbal, Petite-Rivière-la, inn retrouve inert ek par ter dan enn lamar disan lafin apremidi yer.

Tou indike ki mobil deryer sa agresyon sanglant-la se enn vol. Enn som Rs 11 000 mankant. Bann anketer inn retrouv de kouto lakwizinn avek disan plin lo sen krim-la. Malfra-la inn servi sa pou agres viktim-la.

Sa dekouvert makab-la inn fer ver 17hr. Curtis Bellerose, garson viktim-la, ki travay dan enn etablisman otelie dan Flic-en-Flac, ti pe rant kot li. Me kouma linn arive, li remarke ki kitsoz pa normal.

Video:

Dabor, laboutik so mama ti ferme. Linn fransi so gate pou rant lakaz direk ek mont lao. Me kan linn ariv dan koulwar ki al direksyon lakwizinn, li dekouver so mama par ter. Linn apros so mama ek trouve ki linn blese lo so likou.

Bann vwazin inn alerte par so bann kri. Lapolis inn tout swit mande sur plas. Curtis Bellerose inn inform so ser, Doretta Ramdoss.

Comments

comments