Aksidan Fatal Quatre-Bornes: Teste Pozitif Pou Lalkol; Sofer-la Rekondwir Dan Selil Polisiyer

Sendy Ramsamy pann gengn remiz an liberte kondisyonel. Sa abitan Plaisance-la, ki ti lo volan so loto, inn tap avek Judex Bazerque, 56 an. Viktim-la, ki ti lo motosiklet an konpagni so madam, inn mor sur lekou.

Aksidan-la inn prodwir dan lanwit Zedi le 9 Novam dan Quatre-Bornes. Madam viktim-la, kinn blese grav, inn transporte lopital.

Sendy Ramsamy inn fer enn lalkol test ki finn revel pozitif. Linn konparet divan tribunal Rose-Hill azordi, Vandredi le 10 Novam. Li finn inkulpe provizwarman pou omisid involonter.

Lapolis inn obzekte so remiz an liberte ek Sendy Ramsamy inn rekondwir dan selil polisiyer. Tifi Judex Bazerque inn remonte apre ki so papa inn perdi lavi dan enn sirkonstans parey. “Mo pa aksepte ki mo papa perdi lavi apre ki trwa personn ti sou linflians lalkol. Anplis, mo mama pe soufer. So lazam inn anfle,” tifi viktim-la konfie lo Radio Plus.

Nom viktim aksidan larout depi koumansman lane inn ariv 140.

Comments

comments