Aksidan Beaux-Songes: Enn Loto Tap Avek Enn Kolonn Elektrik; 8 Personn Blese

Sa sorti-la ti kapav fatal. Dimans le 12 Novam 2017, enn loto inn fini so kours kont enn kolonn elektrik. Aksidan-la inn arive Link Road dan Beaux-Songes.

Loto-la ti pe kondwir par enn fam 34 an. Sofer-la abit Upper Vale ek linn perdi kontrol so masinn avan tap anplin avek kolonn elektrik-la. Dan veyikil-la, ti ena 7 pasaze, ladan de fam 26 ek 45 an, trwa tipti tifi parmi enn ki ena 3 an ek demi apre de tipti garson ki ena 2 an ek 6 mwa.

Bann pasaze, blese, inn kondwir lopital Victoria, Candos. Zot leta lasante zize stab. Inn pratik enn lalkol test lo sofer-la ki finn revel negatif.

Comments

comments