Aksidan Fatal Riche-Terre: Dharamveer Sunkur 40 An Perdi Lavi

Seri nwar kontinie lo nou larout. Enn siklist inn mortelman ranverse par enn BMW lo otorout Riche-Terre Samdi aswar le 11 Novam. Viktim-la inn idantifie Dimans apremidi par so konpagn. Se Dharamveer Sunkur, 40 an, enn abitan Terre-Rouge.

Zom-la ti lo bisiklet Samdi kan enn BMW inn tap anplin avek li kan linn ariv Riche-Terre. BMW-la ti pe kondwir par Dhananjay B., enn abitan Bambous ki ena 47 an.

Dharamveer inn mor sur lekou. So lekor inn transporte lamorg lopital Dr A. G. Jeetoo. Sofer BMW-la inn kondwir stasyon lapolis Terre-Rouge kot linn fer enn lalkol test kinn revel negatif.

Avek bann anketer, linn explike ki li ti dan so ‘lane’ kan siklist-la inn aparet enn kou divan li. “Monn pez frin deswit me ti tro tar,” li explik bann anketer. Apre so interogatwar, li finn relase lo parol. Lindi le 13 Novam, sofer BMW-la pou konparet divan lakour Pamplemousses.

Lotopsi kinn pratike par Dr Sunnassee, medsin lezist, inn atribue dese siklist-la a bann blesir kranio-serebral.

Lanket supervize par surintandan lapolis Parmessur.

Comments

comments