Mahebourg: Aret Pooja Devi Soobanah 28 An Avek Rs 90 000 Gandia

Lapolis ti pe survey so bann movman depi plizir semen.

Samdi le 11 Novam, Pooja Devi Soobanah inn arete dan so lakaz ki trouv Beau-Vallon, Mahebourg.

Gandia ek enn som larzan inn sezi kot li. Anti Drug and Smuggling Unit (ADSU) Mahebourg inn gengn informasyon ki li pe fer bann aktivite ilisit.

Lo baz bann ranseignman, bann limie brigad antidrog, sou direktiv serzan Gunesee, inn mont enn operasyon gramatin boner, Samdi le 11 Novam, lakaz Pooja Devi Soobanah, 28 an.

Pandan enn lafouy, bann brigad antidrog inn retrouv 150g gandia disimule dan so lasam ek enn som Rs 5 700. Zot soupsone ki sa larzan-la sorti depi lavant gandia. Arete, fam-la inn plase an detansyon. Valer marsan sa 150g gandia-la estime a Rs 90 000.

Sispe-la pou tradwir divan tribunal Mahebourg sa semen-la pou inkulpe pou trafik ladrog. Lanket supervize par sef inspekter Jhurry ek DCP Bhojoo.

Loading...

Comments

comments