Insandi Shoprite: SSU Ek SMF Sur Plas Pou Aktiv Bann Resers

Bann resers pou retrouv Dinesh Domah kontinie Shoprite azordi, Merkredi le 15 Novam.

Dapre bann ponpie ki ankor sur plas, inn resi teign dife-la gramatin boner azordi. Tandi ki Dorsamy Ayacouty inn anonse yer, Mardi le 14 Novam, ki dife-la ti konpletman teign ver 14hr30…

Kamarad Dinesh Domah, ki ti dernie pou trouv li vivan, inn al Trianon azordi gramatin. Linn indik bann ponpie landrwa kot li ti trouv zen zom-la pou dernie fwa Dimans le 12 Novam. Bann ponpie inn rant dan antrepo kot ti ena lakle ki Dinesh ti al rode. Li posib ki Dinesh Domah inn resi rekuper lakle-la.

Bann eleman Special Mobile Force mobilize avek zot zile ek kasket. Zot pe atann instriksyon direktiv.

Sant komersyal-la pou res ferme azordi osi.

Comments

comments