Insandi Shoprite: Zot Retir Plis Ki 250 Tonn Debri

Deputy Chief Fire Officer, K. Ramrukheea, pandan enn pwin depres yer apremidi, Merkredi le 15 Novam, inn fer enn konsta lasitiasyon Trianon Shopping Park, kot antrepo ipermarse inn pran dife Dimans dernie.

Se apre 44hr lalit ki bann ponpie inn resi teign laflam-la. Dineshwar Domah, enn zen anplwaye Shoprite kinn retrouv li prizonie bann laflam, touzour introuvab.

“Nou finn evakue 250 tonn debri. Antrepo-la inn andomaze konpletman me vizibilite inn ameliore. Batiman-la nepli enn zonn riskan dapre minister infrastriktir publik. Saler inn diminie. Nou pe kontinie bann resers ziska nou pa retrouv disparu-la,” Deputy Chief Fire Officer, K. Ramrukheea, indike.

Comments

comments