Koripsyon: Kardiolog Nizam Domah Arete Par ICAC

Konsiltan ek responsab departman kardiolozi lopital Victoria, Dr Nizam Domah, inn arete par ICAC azordi, Zedi le 16 Novam. ICAC repros li pou aksepte ek benefisie enn vwayaz an Afrique du Sud, lo fre antrepriz Azur Medical Ltd, depi group IBL. Tousala apre ki li ti pe prezid enn apel d’offre dan lekel Azur Medical ti soumet enn prepozisyon.

Sa bann fe-la remonte Juillet 2015. Enn lexersis apel d’offre an kour par minister lasante pou bann ekipman kardiolozi, notaman pou bann endoprotheses. Offre Azur Medical inn retenir ek konfirmasyon inn anvwaye le 12 Juin 2015.

Lanket ICAC, swit a enn let anonim, inn demontre ki Dr Domah inn aksepte enn sezour an Afrique du Sud pou asiste enn konferans ek lo fre Azur Medical, san laval minister lasante.

Lanket-la inn osi demontre ki Dr Domah inn sieze par plizir komite evaluasyon dan le-pase, kot linn rekomann Azur Medical kom ‘successful bidder’ pou enn montan total Rs 22 M.

Linn konparet lakour Rose-Hill azordi gramatin kot li reponn enn sarz provizwar koripsyon anba lartik PoCA, notaman ‘receiving gift for a corrupt purpose’. Bann lezot medsin osi dan kolimater ICAC ek pou interpele byinto.

Comments

comments