Agresyon Sexuel Lo Enn Miner: “Li tir tou mo linz lo mwa dan enn touf…”

Li ti nepli kapav gard sa lour sekre-la lo so zepol. Se enn ekolie ki finn kass so silans Dimans le 19 Novam.

Sa zanfan-la ki viv dan lesud inn denons sa abu sexuel ki linn viktim. Ek so agreser se enn adolesan.

Dapre ekolie-la, adolesan-la inn abuz li a plizir repriz ek afirme ki dernie fwa ki linn viktim se Samdi le 18 Novam.

Lo menas enn kouto

Ti garson-la inn explike ki Samdi le 18 Novam, se sou menas enn kouto ki agreser-la inn fer li subir bann sevis sexuel dan enn bwison, ki trouv pre avek enn zardin zanfan. Sispe-la reserse par lapolis Souillac.

Zanfan-la inn admet lopital Jawaharlall Nehru, Rose-Belle, kot protokol inn met anplas pou agresyon sexuel lo miner inn aplike. Linn egalman examine par enn medsin lezist.

Enn polisiyer afekte Child Development Unit (CDU) inn egalman al sur plas Dimans le 19 Novam pou anrezistre so depozisyon. Tousala inn fer dan prezans mama viktim-la ek enn anplwaye Family Protection Unit.

Garson-la inn rakonte an detay ki a plizir lokazyon, adolesan-la inn demann li pou akonpagn li dan zardin zanfan zot lokalite lo so motosiklet. Samdi apremidi, zom-la inn amen li ankor enn fwa dan enn bwison. Laba, sispe-la inn dezabiy li pou abuz li sexuelman.

Loading...

Comments

comments