[Video] Aksidan Fatal St Julien D’hotman: Enn Jaguar Pran Dife; Enn Madam Mor Sur Lekou

Inn ariv enn aksidan fatal azordi, Zedi le 23 Novam, ver 15hr dan St Julien D’Hotman. Enn Jaguar ki ti pe fer karos maryaz inn rant an kolizyon avek enn Toyota kouler rouz ki ti pe al direksyon Flacq. Linpak ti telman for ki loto Jaguar-la inn pran dife.

Dapre premie indikasyon, enn madam ki ti kote pasaze dan loto Toyota-la inn mor sur lekou. Se enn denome Reekoye ki abit Amaury ek ena 62 an. Lapolis ek ponpie inn mande sur plas. Jaguar-la inn ravaze par laflam ek ponpie inn resi teign dife.

Video:

Lapolis inn pran kontrol lasitiasyon ek zot inn deblok larout. Zot inn ouver enn lanket pou konn sirkonstans sa aksidan-la. Dapre premie eleman lapolis, Jaguar-la ti pe double ek inn tap anplin avek loto Toyota-la lo enn kontour.

Comments

comments