Cité Martial: Li Kokin Enn Madam, So Misie Desede Apre Enn Malez

Li finn epingle par lapolis le 9 Novam. Zubeir Ruhomatally, ki ena 23 an, akize pou komet enn vol a larache sa zour-la, lo enn madam ki ti pe marse Cité Martial.

Zen zom-la konteste, avek so avoka Me Rubesh Doomun, so detansyon provizwar, divan Bail and Remand Court. So mosyon inn debat dan lakour yer, Zedi le 23 Novam.

Lapolis inn obzekte sa mosyon-la, ek soutenir ki mari viktim-la inn gengn enn malez padan sa akt kinn komet-la ek linn desede 2-3 zour apre.

Lapolis soutenir egalman ki lanket pankor fini ek avanse ki zot pa kapav revele ki butin inn anporte. De vol provizwar lo vwa publik avek bann sirkonstans agravant inn retenir kont Zubeir Ruhomatally.

Toutfwa, mazistrat Bail and Remand Court inn statue an faver prezume voler-la. Zubeir Ruhomatally, ki nie tou sa bann alegasyon-la, bizin fourni enn kosyon Rs 7 000 saken ek sign enn rekonesans det Rs 20 000.

Loading...

Comments

comments