Sebastopol: Interpel Avinash Buleeram Ki Enn Polisie Kan Li Ti Pe Fum Enn Mass

Avinash Buleeram inn gengn trape. Sa polisie ki afekte stasyon lapolis Moka inn arete par bann ofisie Anti-Drug and Smuggling Unit (ADSU) Eastern Division, Zedi le 23 Novam.

Bann limie-la inn gengn ranseignman ki enn polisie 30 an ti inplike dan bann aktivite ladrog.

Kan zot inn desid pou interpel sispe-la, zot inn surpri li pe fum enn mass an konpagni enn lto dimoun. Bann polisie-la inn sezi enn pake sigaret ki ti ena gandia ladan ek 28 konprime pregabaline, enn sikotrop.

Pandan enn lafouy dan lakaz polisie-la, bann ofisie l’ADSU inn trouv ankor 68 konprime pregabaline. Interoze, polisie-la inn avoue ki li pena preskripsyon pou sa bann konprime-la.

Avinash Buleeram inn mintenir an detansyon polisiyer. Lanket pe kontinie dan sa zafer-la.

Comments

comments