Plaisance: Sezi 1,6 Kilo Eroinn; De Sispe Arete

De sispe inn arete Vandredi le 24 Novam apre ki 1,6 kilo ladrog inn sezi dan laeropor Plaisance, ki pou enn valer Rs 24 750 000.

Le 22 Novam, enn kolis sorti Maputo inn rant moris. Sa ti destine a enn abitan Montagne-Longue. Bann dwanie inn fer enn ‘scan’ lo sa kolis-la dan prezans bann elman brigad antidrog.

Se pandan sa lexersis-la ki zot inn dekouver de sak plastik dan kolis-la – enn bwat kartron. Ti ena enn bon kantite lapoud dan de sak-la ek zot soupsone ki se ladrog ki ladan.

Inn fer enn exersis ‘controlled delivery’ sou soupervizyon Deputy Commissioner of Police 9DCP) Choolun Bhojoo.

Vandredi le 24 Novam, de abitan Roche-Bois, Marc Bryan André, 39 ans, ek Steeve Anthony Babet, enn azan sekirite ki ena 29 an, inn prezant zot mem Port-Louis pou pran livrezon kolis-la.

De zom-la, ki bann ofisie brigad antidrog konn zot, inn arete. Zot inn tradwir divan Bail and Remand Court azordi, Samdi le 25 Novam, sou enn akizasyon provizwar ‘drug dealing’: attempt to possess Dangerous Drug for the purpose of ‘delivery’.

Loading...

Comments

comments