Stasyon Curepipe: Zot Agres Enn Polisie Ek Kokin So Portab

Enn polisie inn agrese par kat personn dan lasware Samdi le 25 ziska Dimans le 26 Novam dan stasyon lapolis Curepipe. Bann malfra inn mem kokin so telefonn portab avan sove depi laba.

Enn tigit pli boner, so bann koleg polisie ti pe fer enn kontrol routinn dan larezyon Forest-Side kan zot inn aret enn veyikil sispe.

Zot inn konstate ki sofer-la ti sou linflians lalkol ek zot inn amen li stasyon lapolis Curepipe pou fer enn lalkol test.

Plitar, kat ipersonn inn debark dan stasyon pou guet sispe-la, me konstab-la inn refuz zot sa ler-la. Se lamem ki zot inn agres polisie-la. Bann voler-la aktuelman reserse par lapolis.

Loading...

Comments

comments