Aksidan Bambous: Sebastien Jolicoeur Desede Kan Li Rant Lakaz

Li pann port plint lapolis ek pa finn al lopital. Sebastien Jolicoeur inn desede swit a enn aksidan kan li ti lo so motisiklet yer aswar, Merkredi le 29 Novam, dan Bambous. So bann pros inn konstat so dese azordi gramatin, Zedi le 30 Novam.

Se so bann antouraz kinn depoz enn plint stasyon lapolis Bambous. Zot explike ki Sebastien Jolicoeur, ki ena 23 an, inn fer enn konsta lamiab avek sofer veyikil avek ki linn rant an kolizyon. Answit, linn rant lakaz kot li.

Pou fer enn otopsi azordi pou determinn koz so dese. Lapolis inn koumans enn lanket pou konn sirkonstans otour sa aksidan-la. Sebastien Jolicoeur 147e viktim larout depi koumansman lane.

Loading...

Comments

comments