Cascade Savanne: Jay Useree 14 An Disparet Ek Gengn Li Mor Nwaye

Li ti anvi pas enn bon moman avek so bann kamarad lariviyer azordi, Zedi le 30 Novam, me enn adolesan 14 an inn mor dan bann sirkonstans troublant. Li ti pe naze an konpagni so bann kamarad dan Cascade Savanne kan bann-la inn konstat so disparisyon.

Dapre bann informasyon preliminer, se enn denome Jay Useree ki abit Surinam.

Lapolis Souillac ek bann eleman National Coast Guard inn alerte. Lekor sa adolesan-la inn repese ek transporte lamorg lopital Victoria, Candos. Pou pratik enn otopsi azordi aswar pou determinn koz exak so dese.

Lapolis Souillac inn ouver enn lanket.

Comments

comments