Curepipe: Enn Miner “Konkubin mo granmer amen gato ek fer mwa vizyonn fim porno”

Oui, li ti ena enn liezon avek granmer viktim-la. Non, zame linn komet bann akt sexuel lo so ti zanfan. “Mo konkubinn inn servi so ti tifi pou debaras mwa.” Depozisyon Luidialam Anwar Hossen Nasser, ki fer obze de akizasyon abu sexuel lo enn miner, inn elu dan lakour intermediyer Merkredi le 29 Novam. Li mintenir ki li inosan dan sa zafer-la.

Dapre akt akizasyon-la, linn al kot so konkubinn, le 8 Mai 2014 ver 10hr, dan Curepipe. Plizir personn ti laba, inkluan viktim-la. “Li ti amen enn Super Ring, enn Twisties ek enn sokola pou mwa,” viktim-la alegue.

Plitar dan lasware, li afirme ki linn fer li vizyonn de fim porno lo so telefonn portab. “Mo de ti frer ti pe guete ek lerla linn teign portab-la.” Se apre ki akize-la inn komet bann atousman sexuel lo li, viktim-la dir.

Granmer tifi-la inn raport zafer-la Child Development Unit so landimin. Tipti tifi-la inn positivman idantifie so agreser prezume.

“Nou viv an konkubinaz me zame monn komet enn akt indesan. Ek li vre ki mo ti kontan granmer tifi-la,” Luidialam Anwar Hossen Nasser deklare dan so versyon de-fe avek lapolis. Li azoute ki se zes bann fabulasyon. “Li ti deza fer so ti zanfan met fos sarz lo so papa. Li ena enn lot lom ek linn fer sa pou mo ale.”

Me Rishi Hurdowar kont prodwir bann pies a konviksyon. Me, Me Nadeem Hyderkhan inn obzekte. Bann arguman pou fer le 25 Zanvie 2018 ek prose-la pou kontinie le 5 Fevrie 2018.

Loading...

Comments

comments