Dram Dan Petit-Raffray: Enn Vie Madam Mor Dan Bann Sirkonstans Troublant

Enn terib dram finn zoue dan Petit-Raffray yer, Vandredi le 1er Desam, koumansman lasware ver 18hr.

Enn vie madam ki ti ena 72 an inn desede dan lanbilans ki ti pe transport li Sir Seewoosagur Ramgoolam National Hospital (SSRN). Viktim-la ti ena enn blesir profon lo so latet.

Se garson viktim-la kinn raport sa ka-la avek lapolis. Dan so depozisyon, li rakonte ki linn resevwar enn apel telefonik depi so bofrer ver 18hr, ek inn inform li ki so belmer inn blese lo latet. Garson-la inn soke ek inn deplase pou al laba.

Kan garson-la inn al sur plas, li trouve ki so mama ti inkonsiant ek alonze. Li ti pe sinyin boukou depi so latet. Li finn osi trouve ki ti ena tras disan partou dan lakaz. Linn telefonn lapolis.

SAMU inn mande sur plas apre inpe minit. Zot inn kondwir viktim-la lopital ki finn rann lam anrout. Pou pratik enn otopsi azordi, Samdi le 2 Desam, par Dr Sudesh Kumar Gungadin, sef departman medikolegal lapolis.

Lapolis inn ouver enn lanket lo sa zafer-la.

Comments

comments