Operasyon Crackdown Résidence Barkly: 6 Arestasyon; Sezi Gandia, Eroinn Ek Ladrog Sintetik

Operasyon crackdown mene par enn dispozitif polisie azordi gramatin, Merkredi le 6 Desam, dan Résidence Barkly, inn port so frwi.

Enn dizen lakaz inn perkizisyone ek sis personn reserse pou deli ladrog inn arete.

Enn som Rs 9 000 inn sezi lo enn parmi bann sispe, avek enn sertin kantite ladrog. Notaman gandia, eroinn ek ladrog sintetik.

Sa operasyon-la inn mene par bann diferan divizyon Anti-Drug & Smuggling Unit, sou soupervizyon surintandan lapolis Azima ek Deputy Commisioner of police Bojhoo.

Special Support Unit, Special Mobile Force, Dog Section Unit, Police Helicopter Squadron ek Groupe d’intervention de la police mauricienne (GIPM) inn solisite pou fer sa operasyon-la.

Loading...

Comments

comments