Connect with us

Gandia: Derasinn 174 Pie Dan Enn Zourne

Newsfeed

Gandia: Derasinn 174 Pie Dan Enn Zourne

Bann diferan unite Anti-Drug & Smuggling Unit (ADSU) pa finn dormi yer, Zedi le 7 Desam. Total, bann limie inn derasinn 174 pie gandia atraver lil.

Ver midi, bann eleman brigad antidrog divizyon l’est inn al Montagne-Blanche. Lo flan montagn-la, zot inn reper 10 pie gandia ki mezir ant 1m50 ek 2m.

Dezer tan plitar, bann ofisie l’ADSU Northern Division inn derasinn kat pie gandia lo flan lasen montagn Moka. Bann pie-la mezir ant 40cm ek 1m40.

Antretan, bann limie l’ADSU Metropolitan Division ti pe fer zot resers dan bwa La Ferme, Bambous. Sur plas, zot inn dekouver 24 pie gandia ki mezir ant 30cm ek 1m10.

Enn tigit apre, alos ki zot ti touzour dan Bambous, mem lekip inn al lo montagn. Laba zot inn fer pli gro priz. An efe, 121 pie gandia inn dekouver. Zot mezir ant 10cm ek 25 cm ek inn derasine.

Ek pou fini, dan bor lariviyer Deux-Bras, New-Grove, 5 pie gandia inn derasine par bann limie l’ADSU Southern Division. Bann pie-la mezir ant 10cm ek 27cm.

Dan tou bann ka, enn lanket inn ouver pou retras bann kiltivater-la.

Comments

comments

Continue Reading
You may also like...

More in Newsfeed

To Top