Salon Masaz Beau-Bassin: Verdik Pou Trwa Fam

Zot ti pe vann zot sarm dan enn salon masaz ki trouv Beau-Bassin an 2012. Trwa fam inn gengn sis mwa prizon saken divan lakour intermediyer. Moman bann fe, bann pli zen fam-la ti ena 18 ek 19 an.

Zot abit Eau-Coulée. Trwaziem fam-la ti ena 34 an ek abit Plaine-Verte. Zot ti pled koupab pou ed operasyon enn maison close kont enn remunerasyon Rs 200 ek Rs 500.

Toutfwa, mazistrat Adila Hamuth inn sispann zot lapen prizon pou determine si trwa akize-la admisib pou fer bann travay komunoter. Zot pou fixe lo zot sor le 18 Desam 2017.

Loading...

Comments

comments