[Video] Doub Dram Britannia: Aswain Bappoo 31 An Aval Pwazon Ek Desede. So Tonton Mor Enn Tigit Apre.

Aswain Bappoo nepli la. Sa zen zom 31 an-la inn rann lam dan lopital Nehru Lindi le 4 Desam, dan lafin apremidi, apre ki linn fer enn tantativ swisid dan so lakaz ki trouv Britannia lavey. Li ti bwar pwazon.

Kinn pase sa zour-la? Aswain ti lakaz so bann paran. A enn sertin moman, linn koumans vomi. “Letan nou finn demann li ki li pe gengne, li finn dir nou ki li finn bwar pwazon,” Ananraj rakonte, kouzin viktim-la.

Aswain inn transporte an irzans lopital Nehru kot linn subir enn lavaz lestoma. Me linn rann lam so landimin. Ti bizin fer so bann funeray Mardi le 5 Desam, me inn ariv enn lot dram dan lasware Lindi. Devanand, 66 an, tonton viktim-la, inn desede apre ki linn asiste lavey mortuer.

Video:

Comments

comments