[Video] Enn Bato Devire Dan Gro Lamer: Skiper Simon “Noun pas pre avek lamor”

Trwa Morisyin, ki ti lo enn pirog, ti viv enn kosmar dan zot lavi. Sa inn pase trwa mwa desela. An efe, skiper-la kinn gengn bann problem lasante, ti nepli ena kontrol lo sitiasyon-la. Pirog-la inn derive ziska ot mer pandan kat zour, avan devire anba bann gro vag. Trwa zom-la inn tonb dan dilo.

Erezman pou zot, enn bato ti pe pas par laba ek inn sekourir zot. Zot inn debarke Madagascar. Simon Pierre Louise, Jimmy Fidèle ek Alan Gellin-Utile inn osi rankontre bann difikilte enorm laba.

Video:

Inside News inn al rankontre zot, apre ki zot inn rant Moris Zedi dernie. Simon, proprieter pirog-la, rakont nou: “Enn gro vag ti pe vini, monn sot avan ek mo dir Jimmy ek Alan sote. Si zot pa ti sote, zot ti pou mor.”

Pirog-la inn savire ek zot inn bizin akros zot lo bidon lesans, avan ki bann peser Malgas inn sekourir zot. Papa Jimmy, Noel Fidèle, inn remersie bann diferan otorite ki finn ed zot, so bann kamarad kinn finans zot ek Inside News pou so soutyin.

Loading...

Comments

comments