Dan Enn Karokann Bramsthan: Lapolis Surpi Li Pe Shooter Dan Loto

Bann polisie ti pe fer enn patrouy lo larout prinsipal Bramsthan dan lanwit Lindi ziska Mardi le 12 Desam.

Zot atansyon inn atire par prezans enn loto ki ti borde dan enn santie karokann. Enn zom ti andan loto-la. Ki li ti pe fer laba? Bann polisie inn interoz zot mem.

Zot inn alos desid pou fer enn kontrol. Kan zot inn apros avek veyikil-la, bann polisie inn konstate ki enn zen zom pa ti dan so leta normal.

Inn fer enn lafouy korporel lo li. Se lamem ki bann polisie inn dekouver enn silen an plastik ki ti ena eroinn ladan. Zot pa inn tarde pou dekouver 13 sase an aliminium ki ti ena ladrog sintetik ladan.

Zen zom-la, enn skiper 26 an, abitan Poste-de-Flacq, inn plase an eta darestasyon. Linn prezant lakour azordi, Mardi le 12 Desam, sou enn akizasyon ‘possession of dangerous drug’.

Comments

comments