La Marie: Enn Polisie Refiz Enn ‘Bribe’. Zot Agres Li Ek Sove.

Sa insidan-la inn arive kan sa konstab Emergency Response Service-la ti pe fer bann kontrol routinn avek enn koleg dan La Marie, Vacoas, enn tigit avan 9hr gramatin yer, Lindi le 11 Desam.

De polisie-la inn konstate ki enn veyikil pa ti ena ni viniet lasirans ni fitness.

Sofer loto-la, enn abitan Vacoas, koumsa mem inn propoz li enn ‘bribe’ Rs 500, ek kan bann polisie-la inn refiz larzan, sofer-la inn rod sove ek inn agres enn parmi bann konstab-la.

Zot inn fer enn kours pourswit ek apel ranfor avan aret sofer loto-la plitar. Agreser-la pou konparet divan lakour Curepipe azordi gramatin, Mardi le 12 Desam.

Enn sarz provizwar ‘Bribery of public official’ inn retenir kont li.

Comments

comments