Curepipe: Christelle 26 An “Li partaz bann foto konprometant lo mo Facebook Ek WhatsApp”

Bann viktim siber-arselman pa konn idantite bann saki kasiet deryer ‘fake profile’ pou komet zot akt. Sa ogmant santiman insekirite ki viktim-la resantir, kan pa kone kisana seryer tousala.

Christelle, enn abitant Curepipe ki ena 26 an, pe sibir enn siber-arselman. Tou inn koumanse an Desam 2016, kan linn resevwar bann mesaz insilt lo so telefonn. So paz Facebook ek so ’email address’ inn pirate. Linn fer enn plint stasyon lapolis Eau Coulée me zame linn gengn enn reponse pou plint linn fer.

Antretan, bann arselman inn arete, me resaman problem-la inn re fer sirfas ek so kont Facebook inn egalman pirate avek so email address. Pli pir, so nimero portab inn pirate ek hacker-la pe servi li an mem tan ki li. Atraver aplikasyon WhatsApp, li anvway bann mesaz insiltan ek bann foto obsen tou so bann kontak.

Christelle inn inform Mauritius Telecom lo sa problem-la ek inn fer anil so nimero telefonn, me dimoun-la pe kontinie servi mem nimero lo aplikasyon WhatsApp. “Monn tourmante par sa bann arselman-la, sa fer enn an ki monn anrezistre mo plint stasyon lapolis Eau Coulée, IT Unit ek Criminal investigation Division (CID), me zame monn gengn enn repons de zot par ek problem-la inn rekoumanse. Sann kou-la, dimoun-la pe arsel mo ti ser 16 an osi. Mo nepli kapav, akoz repitasyon mo ser ek pou mwa osi dan zoue,” Christelle ki dezespere explike.

Solisite lo sa size-la, Pravesh Behari depi Cyber Crime Unit indike ki deza ena enn lanket lapolis kinn koumanse ek pa pou kapav prononse.

“Concernant les démarches de son avocat, il se peut que l’homme de loi soit en possession de son dossier et qu’elle n’est pas au courant, car la demoiselle n’a pas su prendre les renseignements nécessaires. Elle doit se rendre au poste de police où elle a porté plainte et se tourner vers la CID et la IT Unit pour demander où en sont les investigations.”

“Le fait que la personne a recommencé à s’en prendre à elle, elle devra garder toutes les preuves jusqu’à la fin de l’enquête. Elle pourra utiliser tous ces éléments quand elle se présentera devant la cour,” Pravesh Behari azoute.

Linn konsey Christelle pou al stasyon lapolis Eau Coulée personelman, akoz bann polisie pa donn informasyon lo telefonn ek zot pa kapav asir idantite dimoun kinn telefonn zot. Inn osi pran randevou avek de parti-la pou ki ofisie Cyber Crime Unit kapav guid zot dan bann demars.

Loading...

Comments

comments