[Video] Enn zom fors so kopinn pou mars touni lo lari

Jason Melo, 26 an, inn rekonet koupab Vandredi dernie pou agresyon, menad, arselman ek met lavi enn zanfan an danze.

Sa zom zalou-la inn filme so kopinn apre ki linn ordonn li pou promene touni lo lari New york an Zanvie 2016 pou pini li apre ki fam-la inn anvway bann mesaz a 7 zom.

 “Jason Melo a agressé son ex-petite amie, puis l’a forcée à marcher nue, en plein hiver, dans une rue publique pendant que son bébé de deux mois était laissé sans surveillance à l’étage,” prokirer Cyrus Vance inn deklare dan lakour. “Pour la dégrader davantage, il a enregistré le tout, puis a eu l’audace de se vanter de ses actions, de partager la vidéo avec plusieurs amis et même d’en tirer profit.”

An efe, Jason Melo inn esay vann bann tshirt lo lakel li ti fer inskrir so bann prop sitasyon ki trouv lo video-la.

Zen fam 24 an-la inn koumans plere kan mazistra inn vizionn video-la Lindi dernie. Zen fam-la, ki so idantite proteze, inn rakonte kouman Jason Melo inn tortir li pandan dezer tan avan donn li so ‘pinisyon’. Linn dir ki Jason Melo inn trangle li for ek ti pe gengn difikilte respire ek inn osi menas pou touy li.

Video:

So landimin, zen fam-la inn depoz enn plint stasyon lapolis.

Dan lakour, Jason Melo pa finn montre oken remors, ek inn dir ki bann lezot prizonie dakor saki linn fer.

Jason Melo kapav anprizone pou enn peryod 7 an pou so bann aksyon.

Loading...

Comments

comments