Triolet: Enn Residivist 19 An Bles De Polisie

Linn komet pa mwins ki 50 vol dan larezion lenor. Owen Thomas David, 19 an, pe fer lapolis danse pou kaptir li depi 8 mwa. Linn finalman apreande par lapolis dan Triolet Mardi aswar le 19 Desam.

Sa abitan Grand-Gaube-la inn opoz so arestasyon. Linn bles enn serzan lapolis ek enn polisie Northern Division pandan sa operasyon-la. Bann blese se serzan Arnasala ek polisie Céleste.

Koumansman lasware sa zour-la, lapolis inn fer enn operasyon dan lenor. Lekip serzan Jaisen Arnasala depi Special Squad Northern Division inn gengn informasyon lo deplasman Owen David. Sispe-la fer obze enn dizen manda dare. Li koni pou bann servis lapolis.

Owen ti pe roule lor so motisiklet. Bann polisie Special Squad depi Anti-Robbery Special Supporting Unit ek bann eleman Field Intelligence Office inn koumans swiv li. Linn debat kan bann polisie inn koste avek li.

Owen David soupsone kom oter enn seri kanbriolaz dan bann lakaz ek bungalow dan rezion Grand-Gaube ek Goodlands. Li mem servo sa bann vol-la ek ti pe opere avek bann konplis. Enn perkizisyon dan so lakaz inn permet bann polisie sezi plizir obze ki linn kokin ek bann bizou. Lanket plase sou soupervizyon sirintandan lapolis Kishore Dawoonarain, Divisional Commander.

Loading...

Comments

comments