Triolet: Li Reserse Pou Touy De Lisyin So Vwazin, Li Larg So Rottweiller Lo Bann Polisie

Insidan dan Triolet azordi gramatin, Samdi le 23 Desam. Se pandan enn operasyon polisiyer pou aret enn sispe ki ti reserse pou agresyon kout sab lo so vwazin ek touy so de lisyin.

Sispe N. A., 27 an, inn akeyir bann polisie par bann ros ek boutey. Fas a sa sitiasyon-la, plizir inite lapolis inn apele an ranfor.

N. A. inn mem larg so lisyin Rottweiller lo bann polisie-la.

Bann polisie Northern Division Special Squad, prezan pandan sa operasyon-la, inn menas pou servi zot zarm fas a sa sitiasyon-la.

Finalman, se konstab Ondou kinn resi metriz sispe-la, ki pe aktielman interoze par lapolis Triolet.

Loading...

Comments

comments