Triolet: Li Transform So Lakaz An Enn Pansiona

Li enn zom marye ek ena enn garson. Dapre informasyon noun gengne, sa zom-la transform so lakaz an enn pansiona kouma so madam al travay. Enn plint inn anrezistre stasyon lapolis Triolet.

Li pe opere ilegalman ek se enn nwisans pou bann vwazin. Dapre enn vwazin, kinn rant an kontak avek nou, li dir ki enn misie atann so madam sorti pou al travay pou transform so lakaz an enn pansiona. Koup-la ena enn garson.

“Sa pe vinn enn gran problem pou bann vwazin ek lanvironman nou pe reste. Misie-la amen bann zen koup, ladan ena paret bann etidian ki miner, dan so lakaz ek fer sa vinn enn pansiona. Enn zourne trouv bann koup rantre sorti,” enn vwazin konfie.

Linn dir nou ki bann vwazin fini fer plizir plint stasyon lapolis Triolet me ziska ler pankor pran oken aksyon kont misie-la. Dapre li, se enn mafia ki kontrol sa rezo prostitisyon-la dan Triolet.

Nou pou retourn avek plis detay ek enn foto kot bann koup pe rantre sorti dimin. Nou dimann otorite konserne guet sa dosie-la, enn plint ki fini anrezistre Triolet, pou pran aksyon pli vit posib.

Loading...

Comments

comments