Lagar Victoria: Enn Koleg Bat ‘Shah Rukh Khan Lokal’ Akoz Li Boufonn Li Mem

Li pe fer buzz lo rezo sosio apre ki linn otoproklam li kouma Shah Rukh khan, enn akter Bollywood. Se Anand Kumar Sookye, enn kontroler bis ek abit Sebastopol.

Azordi, Mardi le 26 Desam, linn gengn bate lor lagar Victoria, Port-Louis, par enn parmi so bann koleg.

So koleg inn dir li pou ‘aret fer li mem kouma enn boufon’. Anand Kumar Sookye inn met enn depozisyon stasyon lapolis ek inn resevwar bann swin lopital Dr A. G. Jeetoo.

Li sirnom li kouma ‘Shah Rukh Khan lokal’ ek ti organiz enn fet lo terin football dan Sebastopol lindi le 25 Desam.

Li dir linn pran so kas treziem mwa pou ofer bann ti kado pou bann zanfan pov dan so landrwa. Lo rezo sosio, bann kritik lo perfomans Anand Kumar Sookye inn tonbe kouma lapli.

Me linn dir li pa pran kont bann zafer-la ek panse li kapav fer karyer dan Bollywood.

Comments

comments