Belle-Mare/Caroline: Zot Agres De Polisie; Enn Ladan So Lamin Kase

De polisie afirme ki zot inn viktim enn agresion alos ki zot ti an servis Lindi le 25 Desam.

Premie polisie-la ti dan Caroline, Flacq. Li indike ki linn dimann enn sofer kamion pou bord so veyikil byin akoz li ti pe blok trafik. Me sofer-la inn mont so lavwa ek inn agres polisie-la.

Blese, linn kondir lopital Flacq pou bann swin. Tandi sofer kamion-la inn arete ek largue lo parol.

Dan Belle-Mare, enn polisie ti pe met lord avek enn dimoun ek afirme linn agrese kout gourdin. So lamin inn kase ek linn blese lo so figir.

Agreser-la, enn denome Marcelinno, inn apreande. Linn kondir stasion lapolis Belle-mare kot li res an detansion.

Loading...

Comments

comments