Flic-en-Flac: Retrouv Gandia Ek Plis Ki Rs 2 Millions Dan Enn Apartman

Sa larzan-la soupsone provenir depi trafik ladrog. Enn fam ki ena 35 an ek enn zom 27 an inn arete yer, Zedi le 28 Desam, apre enn perkizision dan enn bungalow ki trouv Seeree Villa, Flic-en-Flac. Sa operasion-la ti mene par bann ofisie Anti-Drug & Smuggling Unit (ADSU) Central Division.

Fam sispe-la enn abitant Curepipe alos ki zom-la enn sofer ek abit Quatre-Bornes. Pandan perkizision-la, bann ofisie l’ADSU inn met lamin lor enn sertin kantite gandia ki ti disimile dan enn sak plastik ek dan enn bokal.

Enn som Rs 2 146 450 inn osi retrouve sir plas. De sispe-la inn arete ek plase an detansion polisiyer.

Loading...

Comments

comments