Lesid: Enn Tifi 12 An Abize Seksielman Plizir Fwa Par So Boper

Linn abiz li plizir fwa. Se samem ki sa tifi 12 an-la inn revele, ki abit dan enn vilaz dan lesid, apre ki linn admet lopital Jawaharlal Nehru, Rose-Belle.

So agreser se so boper, enn anplwaye lizinn, ki ena 34 an. Linn arete par lapolis ek pou tradir divan Bail and Remand Court azordi, Samdi le 30 Desam.

Tousala inn dekouver kan lapolis inn fer enn landing lakaz sispe-la Vandredi le 29 Desam.

Tipti tifi-la, an larm, inn explik bann ofisie Nehalkan, Durga ek Aldin depi Criminal Investigation Division ek Woman Police Constable Poorcelan ki so boper inn abiz li plizir fwa sa lane-la.

Li ti pe profite ki so mama al travay pou komet sa deli-la. Prezime viktim inn konfie ki linn pgard silans pandan tou sa letan-la akoz li ti pe per pou denonse.

Sispe-la inn avoue so deli. Lanket mene par Sub Inspector Lobine, sou soupervizion sirintandan lapolis Pèdre.

Loading...

Comments

comments