Roche-Bois: Li Tir Kout Bal Lor Lakaz Angelo Thomas

Gengn lapen pou guet lakaz Angelo Thomas. So lakaz, ki trouv dan Roche-Bois, inn viktim plizir kout bal ver trwazer dimatin azordi, Samdi le 30 Desam.

Sa akt barbar-la pa finn fer oken blese. Akoz pa ti ena personn kot bann Thomas ler latak-la.

Linpak bann bal-la inn eklat bann vit so lakaz ek inn osi lans bann ros.

Azordi gramatin, mama Angelo Thomas inn port plint lapolis. Sir plas, bann anketer inn sezi trwa bal ek enn fizi lasas.

Interoze, bann vwazin Angelo Thomas afirme zot inn tann tapaz ek zot inn kwar ki se detonasion petar. Lapolis inn ouver enn lanket.

Comments

comments