Belle-Mare: Zot Sap Li Depi Nwayad, Enn Zen Zom 26 An Dan Leta Kritik Lopital

So leta lasante inspir viv inkietid. Enn zom 26 an aktielman dan lopital Flacq. Sa abitan Belvédère-la inn sape depi nwayad dan Belle-Mare yer, Mardi le 2 Zanvie.

Dapre nou bann ranseignman, zen zom-la ti pe naze kan linn retrouv li an difikilte. Bann volonter inn port li sekour ek inn ramen li ater. Linn par laswit transporte lopital pou bann swin.

An revans, Pierre Yves Sheik Adam pa finn ena mem sans. Sa zom 61 an-la ti dan dilo Au Morne kan linn retrouv li osi an difikilte. Li pann resi sekouri atan.

Lotopsi pratike par Dr Sudesh Kumar Gungadin, sef departman mediko-legal lapolis, inn atribie so dese a enn asfixi akoz nwayad.

Comments

comments