[Video] Dram Dan Tamarin: Vwasi Saki Inn Deroule Ant Doris L’Enflé Ek Lelio Zéphire

Departman mediko-legal lapolis pa finn dormi depi koumansman lane. Ver 21hr, Mardi le 2 Zanvie, lotopsi Doris L’Enflé ek Lelio Zéphire, 65 an, inn pratike. Dapre rapor-la, zen fam-la inn desede swit a enn fraktir krann. Tandi misie-la inn desede swit a enn blesir par bal lor so leker.

Se dan lapremidi le 2 Zanvie ki sa dram-la inn zoue dan Tamarin. Lelio Zephire inn tir enn kout bal lor so ex-fam avek so fizi lasas avan retourn zarm-la kont li. Se Doriane, ser Doris L’Enflé, kinn alert lapolis Rivière-Noire ver 16hr25.

Zen fam-la explike ki li ti akonpagn so ser lakaz Lelio Zephire. “Linn dimann mwa pou akonpagn li kot so ex-mari pou depoz enn kado pou so garson. Mwasi mo ti pou donn mo neve enn kado,” li rakonte.

Sir plas, de fam-la inn konstate ki zanfan-la pa ti lakaz, okontrer saki Lelio Zephire inn fer kwar a so ex-fam. “Zot inn koumans koz lor zot garson. Lelio inn dimande si li pou kapav okip li. Linn reponn ek dir li oui… Se enn tigit apre sa ki Lelio inn komet ireparab.”

“Dayer, dapre premie eleman lanket, bann viktim inn diskite akoz lagard zot garson. Toutfwa, dan lantouraz vwazin, personn pa pe kwar enn dram parey inn arive. Apre ki zot kone Lelio Zephire ek Doris L’Enflé inn tou letan res byin. Doriane inn fer konpran ki so ser ti ‘per’ par konpartman so ex-mari…”

Lanket mene par sef inspekter Badal ek lapolis Rivière-Noire, sou soupervizion sirintandan lapolis Guckool ek asistan sirintandan lapolis Thug depi Criminal Investigation Division Western Division.

Video:

Loading...

Comments

comments