[Video] Flic-en-Flac: Enn Ti Bebe 18 Mwa Mor Apre Li Tonb Dan Enn Kanal

Fin trazik pou Kelyon Kedaree, enn ti bebe 18 mwa, dan Flic-en-Flac, Mardi le 2 Zanvie. Se gramatin boner azordi, Merkredi le 3 Zanvie, ki mama-la inn konstat dese so garson lakaz.

Zanfan-la ti dan lebra enn vwazin kan tou le de inn tonb dan enn kanal ki pa lwin avek laplaz. Insidan-la inn prodwir kan bann paran-la ti pe partisip dan enn fet lo laplaz.

Se granmer ki ti pran sarz ti bebe-la. Mama bebe-la, Rebecca Kedaree, explike ki enn kamarad ti anvi ed granmer-la ki ti ena enn sak lamin avek li.

“Li pran zanfan-la ek inn ale. Li ti sou linflians lalkol. Kan linn vinn kit li, linn dir nou ki ti bebe-la pe dormi. Monn met mo bebe lo lili me li ti deza fini mor. Mo bebe inn tonb dan enn kanal. So molton ek so ti zouzou tou lamem…,” Rebecca Kedaree explike.

Video:

SAMU kinn mande sir plas inn konfirm lamor ti zanfan-la. Lotopsi pratike par Dr Sudesh Kumar Gungadin inn konklir ki ti bebe-la inn desede apre enn fraktir lefwa. Vwazin-la, ki pann gengn naryin, inn interpele par lapolis.

Comments

comments