Connect with us

195e Tiraz: Kan Lottotech Fer Erer Lor Dat

Newsfeed

195e Tiraz: Kan Lottotech Fer Erer Lor Dat

Li ti ena labitid gengn trwa, kat ou mem sink nimero. Sann fwa-la, lasans inn porte. Tiraz loto le 9 Desam inn ranporte par enn infirmie lopital Dr A. G. Jeetoo ki ena 40 an parla. Linn vinn rekiper so chek Rs 24 717 672 yer, Merkredi le 3 Zanvie, dan biro Lottotech ki trouv Ebène.

“Quelle belle surprise ! Surtout en ce début d’année. J’ai l’habitude de gagner trois, quatre et cinq bons numéros mais je ne m’attendais pas à avoir le gros lot,” infirmie-la konfie.

Li kont profit sa jakpot-la pou aste enn zoli loto ek vinn aksioner dan enn antrepriz.

Sa 195e ginyan loto-la inn aprann sa bon nouvel-la le 1er Zanvie gras a enn anons kinn piblie lor zournal.

Li ena labitid verifie so bann tiket apre plizir semen. Se apre ki linn aprann ki tiket ginyan inn vann kot François Store ek ki detanter tiket-la pankor manifeste, linn verifie so tiket pli vit posib.

Apre ki Lottotech inn afis foto so chek, boukou internot inn remarke ki dat kinn afise lor check-la pa bon. Nou kapav trouve ki zot inn met le 3 Zanvie 2017 (03.01.17) kan nou fini rant an 2018.

Nou espere zot chek pase labank.

Loading...

Comments

comments

Continue Reading
You may also like...

More in Newsfeed

To Top