Anand Goorbin Rann Lam Apre 3 Zour Meurt So Garson

Ti ena zis 3% sans pou ki Anand Goorbin surviv. Ek sa zom 62 an-la pann gengn so batay kont lamor. Linn pous so dernie souf dan lopital SSRN, Pamplemousses, yer, Vandredi le 5 Zanvie. Enn otopsi inn pratike yer aswar.

Anand Goorbin ti plonz dan koma depi Mardi le 2 Zanvie apre ki so garson, Vijay Anand ki ena 37 an, ek li ti kraze kont enn miray par enn 4×4 pandan enn diskision dan Fond-du-Sac. So garson inn desede Merkredi gramatin boner.

Anand Goorbin ti oper so latet Zedi le 4 Zanvie. Enn intervansion kinn dire pandan dezer tan. Bann medsin ti toutfwa septik lo bann sans so sirvi.

“Nou ti al rann li vizit Zedi. Li ti sou respirasion artifisiel. Li pann ouver lizie,” Gautam Goorbin rakonte. Se li kinn donn asantiman pou ki Anand Goorbin opere.

Gautam Goorbin gard limaz so papa kouma enn bon dimoun. Anand Goorbin, ki ti azan sekirite, ti rekonverti an kourtie pou fer so lafami viv. “Li ti pe ankor travay mem linn retrete akoz li ti anvi gard so form.”

Loading...

Comments

comments