Goodlands: Lapolis Interpel Bann Miner Dan Stella Lounge; Proprieter Arete

Zot ti pans pou pas bon letan ant kamarad avan lekol rantre. Zot pa ti atann ki bann ofisie brigad pou proteksion bann miner pou desann laba. Ek dan lapremidi Samdi le 6 Zanvie, bann zen inn interpele dan Stella Lounge, Goodlands.

Apre plizir plint kont lamizik ki ti pe zoue for ek prezans bann kolezyin dan sa Pool House-la, brigad pou proteksion bann miner inn debark sir plas. Zot inn kesionn bann miner-la ek zot indike ki zot inn pey Rs 150 pou selebre enn aniverser.

Proprieter plas-la inn interpele. Sa abitan Goodlands ki ena 39 an-la pa posed oken permi aproprie pou enn aktivite parey. Alos linn gengn enn lamann pou ‘carrying out a trade without licence’.

Operasion ti mene par serzan Hoosenee ek so lekip brigad pou proteksion bann miner lenor.

Loading...

Comments

comments